ಕೇಶ ಖಂಡನ | ಕ್ಷೌರ ಸೂಕ್ತ ಕಾಲ ಯಾವುದು..? ಕ್ಷೌರವರ್ಜ್ಯ ಕಾಲ ಯಾವುದು…?

ಕೆಲವು ನಕ್ಷತ್ರಗಳು ತಿಥಿಗಳು ವಾರಗಳು ಶಿಶುವಿನ ಕೇಶ ಖಂಡನ ಮತ್ತು ಕ್ಷೌರಕ್ಕೆ ಶುಭದಾಯಕವಾದರೆ ಇನ್ನೂ ಕೆಲವು ಅಶುಭಕರವಾಗಿದೆ.

ಕೇಶ ಖಂಡನ ಕಾಲಗಳು ಯಾವುವು..?

ಅಶ್ವಿನಿ, ಪುಷ್ಯ, ಪುನರ್ವಸು, ಮಖ, ಸ್ವಾತಿ, ರೇವತಿ, ಶ್ರವಣ, ಧನಿಷ್ಟಾ, ಶತಭಿಷಾ, ಈ 9 ನಕ್ಷತ್ರಗಳು ಶುಭಕರವಾಗಿದೆ ಅಲ್ಲದೆ ಸೋಮವಾರ, ಬುಧವಾರ, ಗುರುವಾರ, ಶುಕ್ರವಾರಗಳಲ್ಲಿಯೂ 2,3,5,7,10,13 ಈ ತಿಥಿಗಳಲ್ಲಿಯೂ ಶಿಶುವಿಗೆ ಕೇಶ ಖಂಡನ ಶುಭಕರವಾಗಿದೆ.

ಕ್ಷೌರಕ್ಕೆ ಶುಭದಿನ ಯಾವುದು…?

ಪುಷ್ಯ, ಪುನರ್ವಸು, ರೇವತಿ, ಹಸ್ತ, ಶ್ರವಣ, ಧನಿಷ್ಟಾ, ಮೃಗಶಿರಾ, ಅಶ್ವಿನಿ, ಚಿತ್ತಾ, ಜ್ಯೇಷ್ಠಾ, ಶತಭಿಷಾ, ಸ್ವಾತಿ ಈ ಹನ್ನೆರಡು ನಕ್ಷತ್ರಗಳಲ್ಲಿ ಕ್ಷೌರವು ಶುಭಕರವು.

ಕ್ಷೌರವರ್ಜ್ಯ ಕಾಲ ಯಾವುದು…?

ಚತುರ್ಥಿ, ಷಷ್ಠಿ, ಚತುರ್ದಶಿ, ಪಂಚಪರ್ವಗಳು, ಪಾಡ್ಯಮಿ, ನವಮಿ, ಅಷ್ಟಮಿ ಈ ತಿಥಿಗಳಲ್ಲಿ ಕ್ಷೌರವು ಅಶುಭಕರವಾಗಿದೆ.

ಚತುರ್ಥದಲ್ಲಿ ತಾಯಿಗೂ, ಷಷ್ಠಿಯಲ್ಲಿ ಅಣ್ಣನಿಗೂ, ಚತುರ್ದಶಿಯಲ್ಲಿ ಹೆಂಡತಿಗೂ, ಪಂಚಪರ್ವಗಳಲ್ಲಿ ತಂದೆಗೂ, ಪಾಡ್ಯ ಮತ್ತು ನವಮಿಗಳಲ್ಲಿ ಧನ ಧಾನ್ಯ ನಾಶ, ಅಷ್ಟಮಿಯಲ್ಲಿ ಕ್ಷೌರ ಮಾಡಿಸಿದಲ್ಲಿ ಕುಟುಂಬಹಾನಿಯೂ, ತೊಂದರೆಗಳೂ ಸಂಭವಿಸಬಹುದು

ಸಂಗ್ರಹ