ಕನ್ನಡ ಪುರ್ಸಂಗ ಬರೆಯಿಲೆಕ್ಕನೇ ಕನ್ನಡ ಪದ್ಯೊಡು ಪುರ್ಸಂಗ ಬರೆದ್ ತುಳು ಆಟೊಗು ಅನುಮನ್ತ್ ಕೊರ್ತಿನ ಪುದಾರ್ದ ಕವಿಕುಳು ಇತ್ತೆರ್. ಆಂಡ ತುಳು ಭಾಷೆಡೆ ಸುರೂಟು ತುಳು ಪುರ್ಸಂಗ ರಚನೆ ಆಯಿನವು ಪೆರ್ವಡಿ ಸಂಕಯ್ಯ ಭಾಗವತೆರೆಡ್ದ್. ಆರ್, ಪಂಚವಟಿ ವಾಲಿ ಸುಗ್ರಿವೆರೆ ಕಾಳಗೊನು ತುಳುಕು ಭಾಷಂತರ ಮಂತೆರ್, ಆರ್ನ ತುಳುಭಾಷೆ ಭಾರೀ ಶುದ್ಧ ಪಂದ್ ಪಣರೆ ಆಪುಜಿ ಅವು ಕುಡಲದ ತುಳು ಅತ್ತ್.
ಆರ್ ಸಾಮಾನ್ಯವಾದ್ ಬೆರೆಣೆರೆ ತುಳುನೇಗಳಸ್ ದುಪ್ಪೊಡು. ಅಂಚಾದ್ ಒಂತೆ ರಂಜನೆಗೆ ತೊಂದರೆ ಆಂಡಾಲಾ ಅಯಿಟ್ ವಿಶೇಷ ಸಾಹಿತ್ಯೊನು ದುಂಬುದ ಪುರ್ಸಂಗೊಡಿತ್ತಿನಂಗೆನೇ ದಿಂಜಾದೆರ್.
1887ನೇ ಇಸವಿಡ್ ತುಳು ಪಂಚವಟಿ ವಾಲಿ ಸುಗ್ರಿವೆರೆ ಕಾಳಗ ಪನ್ಪಿ ಪುರ್ಸಂಗ ಬರೆಯೆರ್ಗೆ. ಇನಿಕ್ ನೂತ ಮೂಪ್ಪತೈನ್ ವರ್ಸ ಆಂಡ್. ಇಟ್ಟೆಲ್ ಸೀಮೆದ ತುಳುಟು ಈ ಪುರ್ಸಂಗ ತಯಾರ್ ಮನ್ತ್ ರ್.
ಪುರ್ಸಂಗ ಸಾಹಿತ್ಯ
(ಶೂರ್ಪನಖಿ ರಾವಣಡ ಪೋದು ದೂರು ಪನ್ಪುನ ಪದ )
ರಾಗೊ- ಕಾಂಭೋಧಿ, ಜಂಪೆತಾಳ
ಅಣ್ಣ ದಾನೆಂದ್ ಪಣ್ಪುಣೆ ನಿಕ್ಕ್ ಬೋಡಾತೆ | ಎನ್ನ ಕೆಬಿ ಮಿರೆ ಮೂಂಕ್ ಪೋಂಡು.
ಪುಣ್ಯೊ ನಿಕ್ಳುತ್ತುಂಡ ಇಂಚಾವರಿದ್ಯಾಂಡ್ | ಕಣ್ಣಾರೆ ತೂಯಾನೆ ಪೊರ್ಲು ||೧||
ಅಣ್ಣ ದಶರಥೆ ಪಣ್ಪಿ ಅರುಸು ಒರಿಯಗ್ ಮೂಜಿ | ಪೊಣ್ಣುಗುಳು ನಾಲ್ಜೋಕುಳೆಟ್||
ಅಣ್ಣೆ ಪಣ್ ಪ್ನಾಯೆ ರಾಮೆ ಮೆಗಿಯೆ ಲಕ್ಷ್ಮಣೆ ರಾಮ| ಪೊಣ್ಣೊರ್ತಿ ಸೀತೆ ಪಣ್ ಪ್ನಾಳ್||೨||.
ಅನುವಾದೊದ ಈ ಪುರ್ಸಂಗೋಲು ಆಟ ಕೂಟೊಗು ಮುಟ್ಟ ಬತ್ತಿಜ. ಆಯಿನ್ ಸಲೇಸ್ ಡ್ ಭಾಗತೆರೆಗ್ ಪಣೆಯರೆಗ್ಲಾ ಆಪೆಜಿ. ಆಂಚಾದ್ ಈ ಪುರ್ಸಂಗ ರಂಗ ಪ್ರಯೋಗ ಆಯಿಜಿಂದೇ ಪಣೊಲಿ. ಆಂಡ ತುಳು ಯಕ್ಷಗಾನ ರಂಗೊಗು ಸ್ವತಂತ್ರ ತುಳು ಕತೆಕ್ ತುಳುಟೇ ಪದ್ಯ ರಚನೆ ಮನ್ತ್ ದ್ ಸುರೂಟು ಪುದಾರ್ ಕೊನತಿನಾರ್ ಕೆ. ಅನಂತರಾಮ ಬಂಗಾಡಿ. ಇಂಬೆರ್ ಬರೆಯಿನ ಪಟ್ಟದ ಪದ್ಮಲೆ, ಕಾಡ ಮಲ್ಲಿಗೆ ಪುರ್ಸಂಗೊಲು ಬಾರೀ ಬಿರ್ಸಟಿಕೆಡ್ ಮೆರೆಯೊ.
ಬಂಗಾಡಿದಾರೆನ ಪಟ್ಟದ ಪದ್ಮಲೆದ ಪದ ಇಂಚ ಉಂಡು
ರಾಗ – ಸೌತ್ರಿವುಡೆ
ಮೆರೆಪಿ ತುಳುವೆರೆ ಭೂಮಿ ಗಟ್ಟದ | ಬರಿತ ಬೈಲಂಗಡಿದ ಸೀಮೆನ್ ||
ಅರಸು ಉಮ್ಮಣೆ ಆಳ್ಯೆ ಕೀರ್ತಿನ್ |ಒರಿಪದಾಯೆ||೧||
ಸಂಗ್ರಹ